డూప్ తో చేయాల్సిన పనిని....ఓరిజినల్ గా చేసి ప్రాణాలమీదకు తెచ్చుకున్నారు

కన్నడ చిత్రషూటింగ్ లో విషాదం; ఇద్దరు నటుల మృతి

ఓ కన్నడ సినిమా చిత్రీకరణ సందర్భంగా  కర్ణాటకలో విషాదం చోటుచేసుకుంది. కన్నడ నటుడు దునియా విజయ్‌ కథానాయకుడిగా నటిస్తున్న మాస్తిగుడి సినిమా షూటింగ్‌లో భాగంగా బెంగళూరు సమీపంలోని తిప్పగొండనహళ్లి రిజర్వయార్ లో  హెలికాప్టర్‌ పైనుంచి దూకే సన్నివేశం చిత్రీకరిస్తున్నారు. ఇందులో భాగంగా మొదట ఇద్దరు వర్ధమాన నటులు ఉదయ్‌, అనిల్‌ హెలికాప్టర్‌ నుంచి దూకారు. అనంతరం చిత్ర కథానాయకుడు విజయ్‌ నీటిలోకి దూకాడు. అయితే ప్రమాద వశాత్తు నీటిలో మునిగి ఉదయ్‌, అనిల్‌ మృతి చెందారు. వెంటనే స్పందించిన చిత్ర బృందం కథానాయకుడు విజయ్‌ను రక్షించింది. ఈఘటన సినీ ఇండస్ట్రీ మొత్తాన్ని కన్నీటి పర్యంతం చేసింది.