రజనీకాంత్ అల్లుడు ధనుష్ ఎవరబ్బాయ్...
ధనుష్ మా అబ్బాయే
తమిళ సూపర్‌స్టార్‌ రజనీకాంత్ అల్లుడు, నటుడు ధనుష్ తమ కుమారుడేనంటూ మదురై జిల్లాకు చెందిన దంపతులు న్యాయస్ధానాన్ని ఆశ్రయించారు. దీనిపై స్పందించిన న్యాయస్థానం జనవరి 12న స్వయంగా హాజరు కావాలని ధనుష్‌కు సమన్లు జారీ చేసింది. మదురై జిల్లా మేలూరు సమీపంలోని ఆ.మలంపట్టికి చెందిన కదిరేశన్‌, మీనాళ్‌ దంపతులు మేలూరు మేజిస్ట్రేట్‌ కోర్టులో ఓ పిటిషన్‌ దాఖలు చేశారు. ధనుష్ తమ కుమారుడని, అతని అసలు పేరు కలైసెల్వన్‌ కాగా చిన్నప్పుడు చదువుకోలేదని మందలించడంతో సినిమాల్లో నటించడానికి చెన్నై వెళుతున్నానని, తన కోసం వెతకవద్దని లేఖ రాసి వెళ్లిపోయాడని అందులో పేర్కొన్నారు. అవసానదశలో ఉన్న తాము కుమారుడితో కలిసి జీవించాలని భావిస్తున్నామని, ధనుష్ తమ కుమారుడేనని చెప్పడానికి పలు ఆధారాలు ఉన్నాయని, అవి చాలవంటే డీఎన్‌ఏ పరీక్షలకు సిద్ధమేనని పేర్కొన్నారు. పిటిషన్‌ శుక్రవారం విచారణకు రాగా ధనుష్‌ను జనవరి 12న న్యాయస్థానానికి హాజరు కావాలని సమన్లు పంపాలని న్యాయస్థానం ఆదేశించింది. ధనుష్ వివాహ సమయంలోనూ ఓ వ్యక్తి ధనుష్ తమ కుమారుడని, అతడిని తమకు అప్పగించాలని వివాదాన్ని రేపడంతో ధనుష్ తండ్రి, దర్శకుడు కస్తూరిరాజా పోలీసులకు ఫిర్యాదు చేయగా అప్పట్లో ఆ వివాదం సద్దుమణిగింది.
No comments:
Post a Comment