తమిళనాడు టపాసుల తయారీ గోడౌన్ లో అగ్రిప్రమాదం

శివకాశిలో బాణాసంచా పేలుళ్ళు; 9మంది మృతి

బాణసంచా తయారీకి ప్రసిద్ధి చెందిన తమిళనాడులోని శివకాశిలో భారీ అగ్ని ప్రమాదం చోటుచేసుకుంది. బాణసంచాను లారీలో తరలిస్తుండగా అగ్ని ప్రమాదం జరిగి 9 మంది ప్రాణాలు కోల్పోయారు. మరో 15 మందికి తీవ్రగాయాలయ్యాయి. క్షతగాత్రులను స్థానిక ఆస్పత్రులకు తరలించి చికిత్స అందిస్తున్నారు. చికిత్స పొందున్న వారిలో పలువురి పరిస్థితి విషమంగా ఉండడంతో మృతుల సంఖ్య పెరిగేఅవకాశముందని పోలీసులు తెలిపారు. 3 అగ్నిమాపక శకటాలతో సిబ్బంది ఘటనాస్థలికి చేరుకుని మంటలు అదుపుచేస్తున్నారు. గోదాములో చిక్కుకున్న 25 మందిని సురక్షితంగా కాపాడారు.